Board logo

標題: 教你嚴選4K電視 [打印本頁]

作者: ppp    時間: 2015-5-19 13:11     標題: 教你嚴選4K電視

https://hk.lifestyle.yahoo.com/% ... 6%96-091539591.html
要追求電視影像嘅高質素畫質,營造超級家庭影院效果,4K電視自然是好多人嘅心水之選,而近排身邊亦有不少朋友紛紛入手,之不過聽番大家嘅用後感……唔,都係投訴居多!市面上好多牌子都推出咗4K電視,每款嘅價錢同Spec固之然要比較啦,但其他大路規格,例如幾多吋、平面定曲面屏幕,你又知唔知點揀?好,即刻教你嚴選4K電視,以免你買咗之後喊三聲。

蝸居族也可睇4K電視
香港地貴,吓吓都萬萬聲一呎,大部分香港人都住在蝸居之中,活動空間有限。不過住喺蝸居,又想追求睇靚畫質係無罪嘅。咪以為4K電視一味要選size好大嘅呎吋,亦唔係呎吋愈大,畫質就一定愈靚。其實50吋4K電視已可發揮4K嘅震撼力,而且亦係欣賞到佢嘅靚影像嘅最低呎吋要求,蝸居亦有足夠空間配置到。
有好多人只關注買幾多吋嘅4K電視好,而其實大家都忽略咗最佳觀賞距離。睇50吋電視,雙眼應該同電視保持1.9米。一般家庭喺個廳放咗部50吋電視,應該都仲有充足活動空間嘅。

但若然你屋企真係寸金尺土,而你已經睇緊部46吋高清電視,都唔駛灰嘅。依家啲電視製造商已經趨向將部大電視設計得極之簡約,粗邊、粗框都飛走晒,分分鐘一部50吋4K電視嘅外形同46吋電視差無幾。只要執一執間屋嘅空間,已經可以換部50吋,達到升級享受。


住蝸居但想享受靚畫質?有無想過一部50吋4K電視已可發揮佢出色嘅視覺效果!



50吋已有震撼力
講番點解要50吋先發揮到4K嘅震撼力?因為4K嘅解像度去到3840 x 2160,可以畀你睇到好細緻而肉眼分辨得到嘅影像,而46吋或者全高清(1920 x 1080)電視,就會有稍為起格嘅情況,畫面無50吋4K電視咁細膩。追求高質視覺效果嘅你,只要去電器舖比較一下就睇得出。

屏幕揀平面定曲面?
平面定曲面屏幕嘅4K電視,究竟揀邊款?呢個問題,我身邊好多已購買嘅朋友都中咗招!無錯,同平面屏幕相比,曲面屏幕電視的確係有較佳嘅現場感同視覺享受,而且亦深受買家歡迎,呢一點我都好同意……如果你係單身族或者兩口子的話!因為嗰個最佳視覺位係集中喺最中央位置,亦即係坐晌電視機正前方嗰一、兩人嘅位置。當有多過兩個以上嘅人一齊睇曲面屏幕電視,側邊嘅人就會發覺影像有啲唔真實,同有反光問題,晌電視屏幕會見到自己個影(有時真係會嚇鬼死)!坐側邊自然比坐中間無咁好嘅視覺享受啦。我啲兩口子朋友起初買嘅時候都唔覺有問題,點知聖誕成班朋友嚟玩、開電視睇戲,影像唔真實嘅問題即刻浮現。

睇曲面屏幕4K電視,坐側邊嘅人睇到嘅影像會唔真實,而平面屏幕就無呢個問題喇,無論坐中間定側邊,依然睇到4K靚影像。



仲有,睇曲面電視除咗水平位置要對準外,都要留意埋垂直位置。即係話,電視同梳化距離太高或太低,都會影響視覺效果。咁買曲面電視其實只得一、兩個人先可以真正享受到,即係變相成為自私精啦。而平面屏幕電視因為呈現嘅係平整狀態,影像會平均分佈,所以多啲人同埋無論喺邊個角度睇,視覺效果都一樣;亦唔會受光源影響,無曲面屏幕嘅反光問題,新年請成班姨媽姑姐嚟睇煙花、睇演唱會都無有怕。

你其實睇咩多先?
嗱,買4K電視揀平面定曲面屏幕之前,先要問自己睇咩嘢多先?煲劇、睇綜藝節目多?定係晚晚都開套戲睇呢?的確,曲面屏幕係畀到較好嘅臨場感同景深。之不過,用曲面電視嚟睇有震撼力嘅電影,先有咁嘅享受咋噃。如果都係一般家庭睇劇集多,只係間唔中先睇吓戲,又何需一定要追求睇曲面電視呢?慳番啲錢好過啦。
又番返去蝸居問題,你知唔知曲面電視係無得安裝上牆嘅!即係你要預留更多空間俾佢,而平面電視就可以喇,真正可以令你節省空間。

講到尾,應該揀邊個牌子嘅4K電視好呢?上網睇Letv「樂視電視」嘅影片、劇集、演唱會睇得多,但原來呢個牌子仲出埋4K電視機,仲符合晒以上條件添!唔知……趕唔趕得切晌新年前入手呢?




歡迎光臨 喜市股票討論區 (http://hei-market.com/) Powered by Discuz! 6.1.0F