喜市股票討論區 - Powered by Discuz! Board

標題: 大家有冇興趣聽下八字論命？ [打印本頁]

作者: kitewong 時間: 2010-5-3 23:54 標題: 大家有冇興趣聽下八字論命？

小弟學了數月，分享少少。

八字，乃是你的出生年月日時，每組有2個字，即1個天干加1個地支，合共8個字，所以叫做八字，由宋代徐子平先生整理統合，發展至現今常用之八字命理。

八字有其五行陰陽，反映出命主的一生。
五行乃：木，火，土，金，水，此乃相生的關係，因為木能生火，火燒掉任何東西成土，土內生出金屬，金屬會液化成水，水能令樹木生長。

如大家有興趣，可以給我一個出生年月日時（男定女），以作例子，一邊算，一邊講述一下八字命理之說。

[ 本帖最後由 kitewong 於 2010-5-5 00:25 編輯 ]

作者: coffeetea 時間: 2010-5-4 09:07

你識架....嘩...好野喎~~

作者: ckblee 時間: 2010-5-4 09:26

一命二運三風水.

[ 本帖最後由 ckblee 於 2010-5-4 15:42 編輯 ]

作者: kathy927 時間: 2010-5-4 13:24

分享下啦

作者: coffeetea 時間: 2010-5-4 17:40

出d 曾突手果d example 睇下

作者: kitewong 時間: 2010-5-4 18:11 標題: 事先聲明:

1) 本人乃初學者, 一切依書直說;

2) 八字只可預計人生的浮沉起跌大概年份, 不能100%說中你幾時結婚生仔幾時發達幾時死, 都係o個句, 你行好運做咩都成功, 黑起上黎做晒明燈一買即跌.

3) 先講八字, 可能會比較悶, 港人多數比較信風水, 唔係都冇咁多師傅出書啦. 風水方面, 如喜市網友有興趣, 日後再談.

4) 八字風水外, 仲有紫微斗數, 加上奇門遁甲, 後兩者小弟仍學習中. 好多人學成之後全力用於股樓炒賣之上, 引鋼之鍊金術師之名句 -- 等價交換. 由於小弟學藝未精, 故先作興趣班般同大家研究研究. 如各位覺得有所幫助, 可以贊助喜市, 或者宣明會.

[ 本帖最後由 kitewong 於 2010-5-4 18:21 編輯 ]

作者: kitewong 時間: 2010-5-5 00:25

剛好要幫一位友人甲睇睇，就用佢作例子啦，佢係男命，1971年3月4日子時，佢係早子，即00:00-00:59，如果係當日的23:00-23:59呢，就叫做晚子時啦。

首先教大家點樣找出自己的八字，係有一套系統方法的，詳細就唔講啦，有興趣可以自己睇書，科技進步，依家就緊係用萬年曆programme啦！

我用開iphone, 有個叫民用萬年曆的，US$0.99, 另外附檔係for PC/WM的，download完，將.txt轉做.exe就ok了。輸入年月日時之後，就得出八字啦:
[attach]4960[/attach]

時日月年

壬戊庚辛
子子寅亥

呢八隻字就係朋友甲的八字啦! 大家試下找出自己的八字啦！好多人的父母都會話唔記得，盡量找找醫院的記錄，又或者問多d長輩，起碼知道係早午晚定凌晨呀
(今日夜左d，明日再續）

[ 本帖最後由 kitewong 於 2010-5-10 18:04 編輯 ]

作者: kitewong 時間: 2010-5-6 00:07

今日再講基本的10天干同12地支，好多人都應該聽過，今年係虎年庚寅年，大家成日睇 xxx師傅x年運程，咁係咪代表那一年出生的人都是同一命運呢？大家自己唸唸啦。

10天干係：甲  乙  丙  丁  戊  己  庚  辛  壬  癸
五行：       木  木  火  火  土  土  金  金  水  水
陰陽：       陽  陰  陽  陰  陽  陰  陽  陰  陽  陰

12地支係：子  丑  寅  卯  辰  巳  午  未  申  酉  戌  亥
五行：       水  土  木  木  土  火  火  土  金  金  土  水
陰陽：       陰  陰  陽  陰  陽  陽  陰  陰  陽  陰  陽  陽

知道左自己的八字五行陰陽之後，就可以開始推算了，朋友甲的八字之中，

本帖隱藏的內容需要回復才可以瀏覽

作者: kitewong 時間: 2010-5-6 00:09 標題: 回復 5# coffeetea 的帖子

都唔G道阿曾突手 o既出生年月日時，冇得測wor

作者: ckblee 時間: 2010-5-6 11:04

作者: kaon 時間: 2010-5-6 12:49

加油我都想繼睇點算~

作者: goofy08 時間: 2010-5-6 15:47

我唔知自己咩時間出世wo.....

作者: kitewong 時間: 2010-5-6 23:24

知道左自己的八字之後，就要睇睇自己的“日元”夠唔夠強啦，首先要了解，同柱上下可以影響，天干／地支左右可以影響，隔一個的話，影響力較細，睇實例：

時日月年

壬戊庚辛
子子寅亥

年柱：上辛金，下亥水，金生旺水；辛金旁是庚金，同是金，互相照應，力量加強。亥水旁是寅木，水生旺木。
月柱：上庚金，下寅木，金尅木；庚金一旁有辛金，另一旁有戊土，土生金，庚金力量強勁，尅住寅木，幸好寅木左右都有水生旺，可保。
日柱：上戊土，下子水，土尅水；戊土旁有庚金生旺，另3邊環水，雖說土尅水，但水太多會沖走土。
時柱：上下皆水，此為一柱同氣，力量強大。

一般簡單算命（30-100蚊），只會算到此處，就會話你五行屬土，適宜做屬土的行業，例如xxxxxxxx，再話你五行欠

本帖隱藏的內容需要回復才可以瀏覽

想你再幫襯的話，會“增”多你兩句，教你同佢買d野，擺風水物，放

本帖隱藏的內容需要回復才可以瀏覽

註：風水野唔好睇完書／報紙跟住隨便買左隨便放，因為每間屋的風水不同，要以九宮飛星推算，隨時唔好日唔好時辰整左個“火燒乾宮”陣，傷到男主人就唔好啦！

作者: ssss 時間: 2010-5-7 14:22

加油......

作者: kitewong 時間: 2010-5-10 12:02

之前提到, 八字各自只對其左右兩旁及上下之字有影響,
但八字之中, 月柱的地支力量較大, 可以對其他七字有影響.

壬戊庚辛
子子寅亥

月柱的地支寅木, 被4個屬水的八字壬子子亥生旺, 同時被庚辛兩金尅, 相比之下, 寅木是更強大, 亦尅住屬土的日元戊.

月柱的地支寅木, 在代表父母宮的月柱, 主要代表母親.

以十神計, (十神之說日後詳述), 寅木為戊土的七殺, 主要代表兒子(亦代表姐夫,外婆,妹婿,姪兒), 在社會關係中, 則代表小人,敵人,惡勢力,嚴師.

同時, 命主八字中有4個水, 屬戊土之正財及偏財, 命主一生財運不錯.

只要配合其大運及流年的五行來臨就very good啦.

講埋十神之後, 會講下點樣排大運, 再講大運同流年太歲點影響八字.

作者: AHTAO 時間: 2010-5-10 12:32

thanks....

作者: 田莊 時間: 2010-5-10 17:01 標題: 回復 7# kitewong 的帖子

辛亥年不是1971嗎
1974 應甲寅吧..你那個萬年曆..真是..

作者: kitewong 時間: 2010-5-10 18:05 標題: 回復 17# 田莊的帖子

田莊好野, 咁都比你捉到! 已改.
唔通田莊係1971...

作者: jvd 時間: 2010-5-10 22:46

有興趣!good ah!

作者: kitewong 時間: 2010-5-12 16:17 標題: 十神

十神是代表五行相生相尅關係的一種分類, 以日元比較, 算出其他7字的關係

與日元五行相同, 陰陽相同, 叫"比肩", 陰陽不同, 叫"劫財"

會生旺日元的, 陰陽相同, 叫"偏印", 陰陽不同, 叫"正印"

日元會生旺的, 陰陽相同, 叫"食神", 陰陽不同, 叫"傷官"

日元會尅的, 陰陽相同, 叫"偏財", 陰陽不同, 叫"正財"

會尅日元的, 陰陽相同, 叫"七殺", 陰陽不同, 叫"正官"

十神, 在男命/女命/社會關係上都各有代表, 亦代表有不同的性格.

朋友甲的例子中, 正財多, 代表視財如命, 孤寒, 但過多又會揮霍. 偏財多, 代表為人慷慨, 有人情味, 但多詐, 喜信口開河.

作者: kitewong 時間: 2010-5-12 16:20

壬戊庚辛
子子寅亥

偏財比肩食神傷官
正財正財七殺偏財

作者: kitewong 時間: 2010-5-18 22:08

一命二運三風水

一個人的八字反映出佢的命。條命本身有80分，即使行極衰運，都有30分。但如果本身得40分，衰起上黎係可以貼底的。

運，就係所謂排大運，時時睇節目，風水師會話佢行幾多年大運，例如，本身條命欠火的話，佢遇到大運提供大量火，就可以時來運到，例如本身得50分，平平穩穩打工仔，運一到，升職加薪做老闆等等。

風水，香港人最喜愛，因為容易，亦可即買即用，希望借外力幫助自己（多數求健康財富），其實，如果遇到其命運都差的話，風水都只能幫其一把而已，正所謂命運註定也。

作者: kitewong 時間: 2010-5-18 22:44

時時睇節目，師傅都會話人幾多歲開始，行幾多年大運咁，依家睇睇朋友甲的大運，每10年一個大運

壬戊庚辛
子子寅亥

0 1 2 3 4 5 6 7 8 9
庚己戊丁丙乙甲癸壬辛
寅丑子亥戌酉申未午巳

朋友甲在9-10歲起第一柱大運己丑，現在虛齡40，即是將行完第3柱大運丁亥，即將行第4柱大運丙戌。

依書所說的話會很多，概略如下：

朋友甲在31－34運氣不錯，相比35－40較差，41-49相對有很好的運氣，有貴人，當中2014-2015年最好，但要注意與下屬晚輩的關係。

流年方面，今年庚寅，明年辛卯，都是金木的年份，因木尅土，今明2年要注意身體健康，尤其胃部。

作者: kitewong 時間: 2010-5-23 02:16

今日以睇睇朋友乙及其太太的八字作結

1971年11月19日晚10時

癸戊己辛
亥申亥亥

水土土金
水金水水

屬陽土，生旺配偶宮位

正財偏財多，解說見朋友甲。
土被金用去，又被水包圍，土較弱。
五行欠木火，宜用綠色紅色，例如放土種綠色紅花植物於家中東方或南方。

36-45虛歲之大運
壬水
寅木

今年流年太歲寅木，加上大運寅木，為戊土之七殺，要提防小人。貴人相助不多，要靠自己努力！

1974年3月4日凌晨1時

甲甲丙甲
子辰寅寅

木木火木
水土木木

屬陽木，尅配偶宮位，即配偶比較順從其意。

木為木之劫財，貴人命，喜幫助朋友。得祖輩護蔭。
五行中土較弱，土為木之偏財。
五行雖欠金，但不宜以金去尅自己的木。

31-40虛歲之大運
己土
巳火

10年大運有土火到，增強了偏財，但同時尅了水，水為木之正印，多加注意母親岳父。流年金木交戰，七殺到，亦指提防小人！

作者: kitewong 時間: 2010-5-23 02:23

以上所說，其實只比表面深層了一點，其實還有其他學說未論，例如：天沖／三合／三會／六沖／十二長生／墓庫／帝旺／驛馬／用神等等…

無可否認，八字算命比較抽象，風水學說則比較實用。故八字之說就談至此，有興趣者大可花一百幾拾予算命先生說幾句。 pm我也歡迎之至。

有緣的話，7月份在此再跟大家說說實用之風水學說（如果大家睇左電視都仲想聽的話）！

作者: HONEYBEE1015 時間: 2010-6-19 17:24 標題: 拜讀！

拜讀！拜讀！拜讀！拜讀！拜讀！

作者: HONEYBEE1015 時間: 2010-6-19 17:40

引用:

原帖由 kitewong 於 2010-5-18 22:08 發表
一命二運三風水

一個人的八字反映出佢的命。條命本身有80分，即使行極衰運，都有30分。但如果本身得40分，衰起上黎係可以貼底的。

運，就係所謂排大運，時時睇節目，風水師會話佢行幾多年大運，例如，本身條命欠火的話，佢遇到 ...

大師，80分喺一個概數，抑或實數嚟呢？命理原嚟都可以咁量化，咁精確嘎？！

作者: kitewong 時間: 2010-6-22 17:03 標題: 回復 27# HONEYBEE1015 的帖子

bee, 唔好叫大師...

係個概數, 比大家一個概念而己.
之不過呢, 行開衰運的人, 都習慣了, 例如年年考第尾, 突然有一年考中間咁啦...

作者: HONEYBEE1015 時間: 2010-6-25 11:10 標題: 回復 28# kitewong 的帖子

你講得好啱啊！
可能因為有D人命生得好，所以只需要付出少少努力就可以達到成功；
而有D人命生得唔好，就算奮鬥一生，都難有成就。
真喺弊家nail啦，如果知道自己條命生得唔好，喺唔喺應該嗱嗱聲告別呢個世界，等下世投胎再玩過呢？好迷惘啊！

作者: akira2002 時間: 2010-7-26 10:33

請問你學的是是那一門呢,紫微斗數,子平推命,星平匯海,還是四柱論命.

作者: AHTAO 時間: 2010-11-17 12:24

作者: mike9933 時間: 2010-11-17 13:14

不如講紫微斗數....我都學緊....

[ 本帖最後由 mike9933 於 2010-11-17 13:16 編輯 ]

作者: muimui 時間: 2011-1-31 17:57

有無聽過 1個小時都可以分4個盤對?

作者: pizzahub 時間: 2011-5-25 15:22

有好些門派的紫微斗數有提到一時定三盤, 即同一個時辰(2小時)內.

作者: fatabeicup 時間: 2012-4-27 20:16

改名 bb改名嬰兒改名擇時辰生仔擇日產子改名網擇日開刀
Too simple, you can get this from any 8 word text book..

歡迎光臨喜市股票討論區 (http://hei-market.com/)