美國失業率微跌刺激道指衝上9400點,升穿左07年起大跌浪的0.382倍反彈阻力, 不過就小心有調整, 因為每逢到呢d位都有好友食糊平倉.
當好淡兩邊實力相若, 又遇上轉勢時, 會十分容易出現走勢陷阱, 而且極之飄忽, 如上星期一樣.
道指上升令港股星期一朝早回來上升, 不過暫時視之為反彈算數, 因為星期四開始好友反攻的攻勢失敗, 令到恆指小時圖上出現一浪低過一浪的弱勢, 未見到有扭轉跡象.
後市最多都係有調整冇大跌, 因為匯控中移齊發A股, 所以上市前都有呢兩隻野頂住指數, 當其他指數股轉弱時就搵佢地頂一頂. 到A股上市前後先擔心大跌問題, 可能到時會有人將匯控中移及一眾紅籌炒上, 製造泡沫(現在是泡沫蘊釀期).
今次憂慮內地收緊銀根而出現的調整相信會是短暫的, 上星期內地股市大跌就立即有人出黎解話, 安撫廣大股民, 因為阿爺頷教過股市一收就死獨特氣質. 其實阿爺都想個市升, 不過就怕如果8月一下子升到咁"行", 咁9月尾10月頭呢D應該歌舞昇平既日子出現大跌又點算? "循序漸進", "留前鬥後" 咁就everything under control.
Share this: 
