今晚行緊返屋企果陣, 一路講緊電話, 後面有個三十多歲男仕, 專登追過黎問我:「唔該...」
我見佢連我講緊電話都要問我, 一定係好緊要...收線幫你解決...
「唔該, 請問你有冇廿蚊散紙呀?」
「我可能有, 睇下先...」
我從散紙包剛好掏盡我d散銀, 摷夠廿蚊...3個五蚊, 1個兩蚊, 2個一蚊, 2個伍毫~
我將廿蚊散銀攤0係手掌, 個心仲想講「你真係好彩, 岩岩好廿蚊...得返6毫子, 再多都冇」
唱錢男面有難色:「0下...但係...有毫子...」
依一刻, 空氣凝固左兩秒「... ...」
當時身處小巴站, 我就好自然咁問:「你搭邊架車呀?」
「我唔係搭車呀, 我買野呀...哎呀...不過唔收毫子...」(其實附近一分鐘路程內都冇野買)
依一刻, 我更加呆左3秒...然後好奇地問
「吓...你買咩呀?」可惜佢冇答我...
「唔緊要啦, 我問下其他人有冇啦...」
... ... 鴉雀無聲 ... ...
究竟點解唱錢男要唱錢? 仲唔要毫子呢?
既然唔係搭車, 點解要散錢?
今時今日買野仲要自備散銀? 人地唔會找俾你架咩?
夜嗎嗎, 你買咩咁緊要呀?
而且我唱出黎個散紙組合, 幾乎係perfect啦...由$0.5 至 $19.5 都可以俾到啦喎!
莫非...唱錢男你要買$20野, 驚俾$20果陣, 對方唔收果兩個5毫子?! 但係...你買$20野, 就咁俾張廿蚊咪得囉?! 唔係玩野呀?
究竟你要買咩??? 我好想知...
「... ...」
我只好死死地氣, 收返我d錢。
回頭望返唱錢男, 依然好努力咁問左3個人唱錢...
Share this: 
