老三

原先估昨日急跌之後, 後市會係17050~17500之間消化超賣, 今朝開市後反彈動力比想像之中更加強, 小時圖上能夠企穩於上一個子浪收市浪底17465之上, 反映淡友攻勢於17050暫時告一段落, 隨之而來會係好友反攻

 

依照好友現時部署, 短期進攻目標分別為17725/17884, 今朝早反彈於50天線附近受阻, 向上試阻力之前, 可能會先再向下尋找支持, 於17400左右, 即回補今日裂口升幅一半的位置, 應該有不錯支持力.

 

好友有意欲發動類似上一次由17325挾上18956攻勢, 至於今日發動攻勢既好友係春江鴨, 定係盲頭烏蠅, 就要等埋今晚美股先知道.

 

近幾個月多次每逢急跌後就有大反彈, 好淡兩邊都殺, 容易令人感到無所適從, 入市之前要留意風險.

Share this: