在銅鑼灣返工, 唔可能餐餐食4-50蚊, 一個大男人又唔可能食杯麵算數, 要找d平野食.
淨做外賣店2間:
興x / 大x廚 在渣甸街中間, 專做外賣, 25蚊有飯有湯, 夠多夠飽, 都好食的, 每日5/7款, 其中1間叫夠10盒有9折添, d例湯都ok嫁, 又有湯渣, 我每星期都食1-2次.
平價茶餐廳:
祥x, 在渣甸街尾聯x旁, 細細間小本經營, 地方唔靚, 有冷氣, 午餐自選2餸飯, 跟豆漿/例湯22蚊, 飲凍/熱啡茶26. 由佢19蚊食到依家22蚊, 可以話係銅鑼灣最平有得坐低食有冷氣的晏仔! 招牌炸豬扒正!
平價茶餐廳5間:
加路連山道, 好出名的丹麥餅店後面, 希雲街+加路連山道, 有5間茶餐廳:
12X茶餐廳, 丹麥餅店後面, 平, 25蚊個餐, 但少餸少飯唔夠飽.
同x茶餐廳, 向大球場方向行前少少, 車房旁, 冇冷氣, 好多人食, 日日有5款另日日都有扒飯, 26蚊有湯有飯有凍/熱飲, 大大碟抵食!
新x心, 在同x旁, 日日5款, 份量細少少但都好夠飽, 價錢1樣, 有電視睇, 都正!
xxx (唔記得名), 丹麥餅店另一面向聖保6方向入希雲街, 在大廈管理處前, 只賣蒸餸, 例如蒸肉餅/蒸魚, 自選1碟送碟菜, 粥飯自助, 連湯/飲, 23蚊, 至平係你啦! 不過點幾鐘去到剩好少選擇.
xxx (又唔記得名), 在前者旁, 舖內有位的, 午餐日日3款, 26蚊. 不過見好多1行4-5人會叫小菜食飯, 睇落唔錯.
Share this: