每人o既作為，無論正面抑或負面，背後一定有原因。
可能有人話：「大家都係人，我唔使親身經歷大自然o既災難，都一樣會自發去捐款賑災，都解有人唔會o既？」
好難用三言兩語講清楚，只好用兩句濃縮o既話概括：「閱歷未深」，「難以發心」！
o係事相上睇，「富人」會捐幾多？一億？十億？一百億？或更多？如有參考數字，起碼都要同邵逸夫爵士等量，捐款以億元計。就算佢肯捐一千億，可能係只佔佢生意上o既九牛一毛，只算係「普通人」。
各位！我o地要相信今次真係已經收到好多好有心o既「無名富豪」善款，冇錯o勒！其中一位就係樓主所轉述一D傳媒報導：o個位乞丐呀！據另一傳媒報道，有個殘疾乞丐（又一「隱形富豪」曝光）知道四川災難後，捐咗身上僅餘o既幾十元，一次仲未夠，第日見佢又o黎捐過。
我o地要信人係有自我修正o既功能，包括以上所講o既「普通人」，但係唔會無緣無故就變，一定要受到「刺激」，至於幾時會變，各人因緣唔同，有快有慢。
Share this: 
