Hei

演技差左D, 好似細路仔詐咸咁.
http://hk.apple.nextmedia.com/te ... amp;art_id=14391965

Share this:

02299

點解仲有咁多人版.
唔通証據咁確鑿都無辦法追究?
究竟係法律無能定執法者怕忙?

Share this:

kaon

好野蠻....

Share this:

Kingking

無話可說

Share this:

puiyee

隻狗好得意
係咁舐主人塊面

Share this:

DMC

http://hk-taxi.com/bbs/viewthread.php?tid=6563195&extra=&page=1
原文:

下午4點半，一街係手，條港女抱隻金毛尋回上車，我已耍手擰頭，
佢係都要上，我同佢講，我都係愛狗之人，但你要約束好隻狗，
我要求戴上口罩才接載，否則請另聘高明，
因為根據法例，的士司機有權拒絕接載寵物。

條港女話冇罩，我要求佢離開，
佢聲大夾惡，話我無理拒載，
我答：若我拒載，好簡單，
抄下我車牌和司機證，打28899999投訴就可以，
你不能在司機未同意下強行登車！
條臭西抱住隻狗，死都唔肯走。

擾讓半粒鐘，仍堅持我要載佢隻狗，
我多次解釋，根據香港法例第374D章第42條，
的士司機有接載狗隻與否的絕對酌情權，
條臭西報警，冇法，焗等！

15分鐘差佬仲未到，臭西撥輪，大概係打俾條仔卦，
扮晒可憐詐喊，話有個的士司機蝦佢，令佢好難過，
我即刻警告佢，咪製造假證據妨礙司法公正，
由開始至現在，我只係要求隻狗有罩才載，
佢仍然對住電話繼續喊，係詐喊，唔肯收口。

我擰部相機出來，警告佢，
我而家開始拍片，呢條片可能成為日後呈堂證據，
我要告你 騎刧的士，妨礙司法公正，
我將會追討 精神 及 營業 損失，
條片足足拍左10分鐘，如有需要，
我會公開呢條片，讓市民認識呢條港女。

最後，差人到，我當然岩晒，
我當面投訴，但係又俾人撳住要息事寧人，
司機人權何在？
前後阻左我一個鐘搵銀時間
唉，港女！

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

點解我一定要隻狗戴口罩呢？
我有過至少3次接載狗隻之不快經驗，
有次無啦啦俾隻狗咬一啖，一次俾隻狗舔，
另一次係隻狗跳去車頭噬起棚牙，
突然其來的對峙，幾乎炒鑊杰撻撻！

狗係忠心於主人，但對陌生人有戒心，
司機的駕駛動作可能被誤以為挑釁，而突然攻擊，
所以，以後我堅持，無論貓狗，
必須有穩固之約束裝置才接載。

重申：我係愛狗之人，家中亦有養寵物。

﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣

點解咁L多人以為有錢大L晒？
養狗都唔識的士可拒載狗隻？
冇狗口罩或鐵籠或貓袋，學乜L野人搭的士？
冇私家車，學乜L野人養狗？

附錄：香港法例第374D章第42條條文
http://www.legislation.gov.hk/bl ... 07d701?OpenDocument

Share this:

DMC

http://news.mingpao.com/20100906/naa1h.htm

「的士港女」網民起底 扯上女作家

【明報專訊】香港多個網上討論區最近流傳一段由一名的士司機拍下的影片，內容是一名帶小狗的女乘客，用手提電話向對方投訴被的士司機辱罵，但該名司機則堅稱，只是要求乘客先為狗兒戴上口罩。女乘客之後報警求助，爭論擾攘近1小時。片段在網上引起有關「港女」的激烈討論。昨日在一個討論區上，有網民聲稱已將該名女乘客「起底」，指對方就是資深寵物繁殖家兼作家鍾麗鈴（Chloe Chung）。本報昨嘗試致電及以電郵聯絡鍾麗鈴查證了解，但接聽電話者稱鍾麗鈴「不在香港」，對於網民的言論則拒絕置評。





司機要求為狗戴口罩被拒

上月25日，一位網名叫「vacheronu」的的士司機，在hk-taxi.com網站的論壇中，發布一段短片（hk-taxi.com/bbs/viewthread.php?tid=6563195&extra=&page=1），片中顯示一名束平頭裝女乘客，抱一隻柯基犬上車。司機表示，他要求對方先為狗隻戴上口罩才會接載。女乘客說，身上沒有狗口罩，於是司機要求她改搭其他的士，但對方反斥他無理拒載，堅拒下車，過了半小時後，更報警求助。等候警員期間，乘客致電他人，哭訴司機罵她，不敢收線。司機亦不敢怠慢，拿出相機拍下情，並聲言要作為呈堂證供，之後會追討精神及營業損失。

該司機表示，最後警員來到，證明司機沒錯，司機當面投訴，但警員提出息事寧人，最後雙方各自散去。司機在留言上解釋，以往曾至少有3次接載狗隻之不快經驗， 才要求狗主為狗隻戴上口罩，並強調自己也是愛狗之人，家中也有寵物，「對乘客的無理感到憤怒」。網民則較多傾向同情的士司機，甚至對片中女事主作出激烈批評。

搜博客網站尋照片對比

過去曾多次集合網民力量用互聯網找尋神秘話題人物身分的香港高登討論區，有網民昨日早上發表文章，聲稱已掌握該名女狗主的資料，還「圖文並茂」地公開對方身分和講述「起底」過程。該名自稱「高登起底組」成員的網民「烏節路」表示，他在YouTube片段上一則回應找到線索，該留言內容是：「咦！依位姐姐，我響一次貓展見過佢賣貓，賣到鬼咁貴。好似叫Chloe Cattery……。」

他表示，透過搜尋器Google，找到一個叫chloeshowkat.com的網站，在裏面找到一些照片，顯示一名女子手抱柯基犬（Corgis，又叫哥基犬）的照片。網民聲稱，該女狗主叫鍾麗鈴（Li Ling Chung, Chloe），是一名寵物繁殖家和寵物美容師，開設有一間寵物店。該留言還附上多個連結，包括鍾麗鈴的新浪博客網站，她在傳媒撰寫的文章和出版的書籍等。該網站同時連結到一個叫「香港火柴貓舍」的博客網，上面有網主的個人資料。該留言還將的士司機拍下的片段畫面，與chloeshowkat.com取得的照片同時展示。從畫面所見，兩人容貌有幾分相似。

有網民質疑樣貌不相似

「的士港女」被「起底」的文章昨早9時半左右被放上網，短短6小時就有超過300個回應。有人稱讚高登網民的「人肉搜尋技術」，稱這是「網絡公義萬歲」。不過亦有人質疑網上公開的鍾麗鈴照片，與該狗主根本樣貌不相似，髮型有異。也有網民質疑這種做法等同網上欺凌，對事主不公平，沒有理由打「正義」旗號，將他人資料公開在網上散播；有人回應指，如果該狗主不將自己資料上網及不做這些事，就不會畀人欺凌。本報記者昨嘗試致電及以電郵聯絡鍾麗鈴，希望求證，但均無法聯絡上；一名接聽電話的男士稱她「不在香港」，拒絕置評（詳見另稿）。

Share this:

wan

人肉搜尋技術的確利害~~~

Share this:

Hei

http://hk.apple.nextmedia.com/te ... d=45&coln_id=20

抱狗港女反擊屈拒載
全港的士司機笑爆嘴

早排《蘋果》報道網上流傳一段短片，內容係一名帶狗女乘客報警話的士司機拒載，事件引起網民極大迴響，指摘女乘客阻住司機搵食，因為根據法例司機係有權拒載動物。
「抱狗港女」被網民起底，原來係寵物店老闆，芳名鍾麗鈴，鍾小姐日前發表公開信大反擊，指的士司機嫌佢由北角去銅鑼灣路程太短而拒載，又話當日抱住嘅哥基犬有病，趕住睇獸醫，點知司機爆粗鬧佢，情急下報警求助。
正所謂真理越辯越明，八方就這段路程問過市區的士司機聯委會永久榮耀會長郭志標，佢大大聲話：「北角落銅鑼灣點可能會拒載！落到銅鑼灣就係天堂，大把客！」有網民則反問鍾小姐：「要帶隻狗去睇醫生都唔落車搞成個鐘頭？你有幾緊張隻狗呀？」
男主角網名 V仔嘅的士司機喺網上討論區回應：「佢講咗個全港的士司機都會大笑嘅大話，因為北角去銅鑼灣，執到金咁開心！」 V仔發毒誓從來唔知鍾小姐目的地，亦冇粗口辱罵對方，又指對方既然係寵物店老闆，冇可能唔知的士司機可以拒載寵物。八方相信心水清網民都知誰是誰非， V仔慨嘆：「我放佢一馬，佢恩將仇報，自取其辱！」

Share this: