發新話題
打印

【東南亞狂熱】10大派對聖地!

【東南亞狂熱】10大派對聖地!

https://hk.gotrip.travel.yahoo.net/article/index.php?id=41057


差不多年尾,聖誕節長假就快到,又是時候計劃同成班朋友去旅行!一大班人出去玩,當然要揀日夜都同樣精彩的地方,咁先可以盡興而歸!今次幫大家精選十個東南亞最潮聖地,想每晚大玩Party,或者認識新朋友都無難度。唔怕你悶,最怕你玩到攰!




1. 馬來西亞蘭卡威 (Langkawi, Malaysia)
如果想感受不一樣的馬來西亞,蘭卡威絕對是首選。呢個小島位於檳城西方,早上是水上活動愛好者的天堂,但在日落後就變成酒吧區,用酒精重新燃亮整個小島,玩到天光。





2. 泰國布吉島 (Phuket, Thailand)
布吉島一向深受年青人喜愛,特別是燈紅酒綠的海邊大道,每晚都有形形式式的酒吧女郎在門外招徠,配上場內駐唱歌手的搖滾樂曲,High到極點!





3. 泰國PP島 (Koh Phi Phi, Thailand)
在酒店和海灘之間,一間又一間迷你俱樂部藏匿其中,大街小巷洋溢著派對之味,有酒、有燒烤,伴隨陣陣重金屬音樂,點玩都得!





4. 越南胡志明市 (Ho Chi Minh, Vietnam)
以為胡志明市只是傳統小城?只要日落後去到Pham Ngu Lao,就會見到成群外藉遊客陶醉在呢個地方,啤酒?咖啡?各有捧場客,想點飲點醉由你決定!





5. 菲律賓長灘島 (Boracay, Philippines)
派對總是出沒在深夜,長灘島亦不例外。呢個地方有一望無際的海洋,一到夜晚,DJ就有如嘩鬼出籠,將整個長灘島嘈到拆天,叫齊大家起身狂歡。





6.印尼特拉旺岸島 (Gili Trawangan, Indonesia)
特拉旺岸島是吉利群島其中一個小島,每隔幾日就會有超大型派對,瘋狂程度連當警察都無睇,自問夜遊經驗豐富,又見慣大場面的旅人可以一去。





7. 峇里島庫塔 (Kuta, Bali)
庫塔旅人不分年齡,無論是大人或細路、文青定背包客,成班人拎住一杯飲品坐在海灘欣賞日落,同身邊朋友吹水,都算另類Party。





8. 泰國帕岸島(Koh Phangan, Thailand)
帕岸島最出名的當然是滿月派對,當初只是由一群背包客開始的私人慶祝,到依家已經變成聚集幾千人的同歡夜,喪飲喪跳喪叫到天光。除了滿月派對,森林亦有半月派對,同樣歡迎大家去玩!





9. 柬埔寨施亞努市 (Sihanoukville, Cambodia)
施亞努市是柬埔寨的派對勝地,新滿月派對就正正在呢個地方舉行,Occheuteal海灘一帶有無數平價啤酒及比基尼女郎,場面春色無邊,酒不醉人人自醉!





10. 柬埔寨高龍島 (Koh Rong, Cambodia)
高龍島仍然處於起步階段,是一片剛萌芽的樂土,但已經慢慢吸引到來自世界各地的旅客聚集,海灘熱辣辣的營火配上清涼啤酒,加埋熱情的旅人,令高龍島人氣愈來愈旺!


Share this:

TOP

發新話題