http://worldcup2014.appledaily.com/article/all/latest/20140614/18759018
【本報訊】巴西世界盃本港時間昨凌晨開鑼，部份酒店趁四年一度世界盃，推出本地住宿優惠計劃吸客。有酒店以一條龍服務招徠，住宿睇波之餘，享受森巴雞美酒及火辣自助餐兼醒神按摩；也有位於銅鑼灣酒店首創六人入住包啤酒及雞翼等睇波套餐，超值價$888，平均每人150元，抵過酒吧睇波。餐飲聯業協會預計世界盃月整體餐飲收益按年上升17%至82億元。
記者：蔡朗清
富豪機場酒店本月中至下月13日期間推出「巴西足球盛事住宿餐飲優惠」，每晚房價2,400元，入住高級客房一晚，費用包括800元美食消費金額，可在酒店各餐廳酒吧使用；酒店餐飲經理邱日輝表示，暑假適逢世界盃，推出住宿美食套餐吸引客人到酒店睇波兼度假。華岸酒吧扒房特別炮製多款不同國家的雞美飲及小食，如意式肉丸配多士、巴西烤牛肉眼串等，「着埋波衫喺酒吧睇波，飲品買一送一」。
「人均150蚊平過酒吧睇」
酒店副行政總廚謝志全表示，今次更為世界盃設計「熱辣．森巴」自助晚餐，一系列巴西地道美食包括巴西燒特級西冷、巴西燒全雞及燒羊腿等，「希望客人感受巴西火辣辣滋味」。
邱日輝續稱，捱通宵睇波若感到疲倦，套餐房客可以二人價700元，享受55分鐘泰式按摩服務，「睇完波，按摩充電；平日按摩一人價都要600多元。」
位於銅鑼灣鬧巿的麗都及麗悅酒店即日起至下月13日推出「世界盃狂熱住宿計劃」，房價分別是999元及888元，最多可六人入住高級雙人客房；酒店巿場總監Charlotte表示，首創六人入住酒店客房，「過去香港冇同行咁做過，一大班朋友一齊睇波開心啲」。住宿計劃包括六人份量的沙爹串燒、雞翼、爆谷、薯片等小食及一打啤酒，「我哋暑假旺季，每晚淨房價大約1,200元，呢個套餐單計一晚房已平近三成，小食同啤酒可以講係送嘅；以888元計，六個人平均每人約150蚊，平過喺酒吧睇波」。
Charlotte續稱，住宿計劃退房時間為翌日傍晚6時，「啲客睇完波可以休息，享用健身室或到酒店露天休閒區免費飲嘢同食小吃，並提供香薰枕、冬暖夏涼玉石枕等11款枕頭供客選擇，瞓一個好覺」。
餐飲聯業協會會長黃家和指出，因世界盃賽事主要在凌晨時分，料整體食肆生意沒有明顯增長，但酒吧、夜店的生意會比平日多三成，估計整月的餐飲業收益較去年同期上升17%至82億元。
Share this: 
