美企上周開始公佈第三季度業績，將成短期內市場焦點，分析師普遍對業績睇淡，預期美企盈利將是自2009年以來最差，係連續上漲11個季度後首次下滑，再加上世界銀行及國基會（IMF）上周先後調低全球經濟增長預期，標準普爾又下調西班牙長短債評級，嚇到投資者窒哂步，連跌幾日，杜指上周五喘穩升２點，但全個星期仍下跌2.1%，標普500指數更弱，跌2.2%。
睇番已經公佈成績表的幾家美國巨企，業績又唔係市場想像般咁差，打頭陣的美鋁（Alcoa），營業額較去年下滑7%，盈利仍然好過預期。而上週五派成績表的兩大銀行摩根大通及富國銀行（Wells Fargo）亦不弱，摩根大通銀行(JPM)季度營業額251.5億美元，每股收益1.40美元，都好過市場預期。而美國第四大銀行富國銀行營業額與抵押貸款收入的大幅增長，以及信貸質量的持續改善，第三季凈盈利增長22%，好過市場預期。不過兩家銀行股價卻不升反跌，其他金融股亦唔掂，杜瓊斯金融指數下跌超過1%，成為拖住大市的主要力量。
美國上週五公佈的經濟數據其實也不錯，9月PPI環比增1.1%高於預期，但扣除能源價格上漲因素，與8月持平，表明美國通脹壓力依然溫和。同日公佈的10月消費信心初值83.1也大超預期，創了5年來的最高紀錄，消費者對整體經濟改善持樂觀立場。密執安大學的消費者調查主管Richard Curtin表示，「最大的變化是消費者如何評估經濟狀況。多數消費者認為，未來一年中經濟狀況將是‘良好的’，同時較多的消費者預計未來五年的經濟也將保持良好狀態。」
杜指上週五朝早一度抽高75點，但好快就掉頭回落，中午以後在上日收市位橫行，收市微升2點至13329點，標普500指數指數微跌4點至1429點。美股無反應，相信係受到歐洲情況未明影響，投資者現在都在等著西班牙這個深陷債務泥淖的國家會唔會、同幾時會申請救援的問題。西班牙一日唔提出申請，歐洲央行就唔會啟動援救機制。
中國情況不弱，主要係９月出口數字超過預期地好，預料經濟在第三季見了底，中國經濟好轉，有利內地股市反彈，亦令港股有支持，結果就生起「追落後」的議題。
話追落後，有好多種唔同追法，有人話本地地產股得，等佢回吐完仲有得去，你睇新地（016）以高價發售屯門站瓏門1期，全部有單位1075伙，在一個月賣出過千伙，沽出97%，吸水70億元。有人話地產股升完，我睇無咁快，而新地過去受官司困擾，股價落後，最近跟大圍升了一浸，股價正在回吐，等回深鱓仲有得去纒。
內銀亦升了一浸，周五公布９月新增貸款略低，或者內銀都會回一回，有人話沽內銀換出口股，你睇隻中遠洋（１９１９），近期係威係勢，上周五更是一枝箭咁標上來，但我就認為內銀和航運股是兩回事，以短線而言，航運股跌得太殘，所以反彈也顛，由於佢地體積細，反彈得多過內銀股好多一鱓都唔出奇，航運股跌剩個煙頭，煙頭長1cm，可能都升鰦３３％，內銀體積大，升１０％已經好大件事。
但兩者風險不可比擬，航運是長週期股份，歐美經濟唔掂，中國出口中長線需求仍弱，但兩三年前買落的新船仍在下水中，變成需求差供應增的困局，生意有排未到好境時。相對地內銀的情況好多，雖云息差收窄，只要阿爺落手谷經濟，放鬆一點銀根，銀行就坐在那裏做生意，盈利不會太差，所以兩者沒法比。航運股唔係唔可以買，但要用更短線的炒作心態，有得食坐順風車，但呢架車無得死坐，一唔掂就要跳。
若然睇長番少少，或者唔想博到咁盡，博航運不如博A５０基金，因為A５０防守性好少少，萬一坐鰦艇斬唔切頂多都係出南中國海，唔會去大西洋。聽完我講，你應該知到乜股都可以炒，但風險和回報基本上成正比，追落後炒作的心態都不同也。
Share this: 
