油價低迷，「三桶油」業績唔掂。中海油（883）公布中期業績大蝕77.4億元（人民幣）。中石油（857）中期純利大跌97.9%，至5.31億元。兩間油公司都係上市以來最差成績，不過使出照派中期息一招，中石油連特別股息合共派0.02131元，中海油派12仙。
中海油主要做上遊石油開採業務，業績最受低油價影，加上加拿大的油砂項目需作出約104億元的減值撥備，所以才要蝕錢。
兩間公司都採取維持派息一朝招數，應該對股價有支持。其實呢啲招數美國公司都經常用，一係維持派息，一係就出錢回購股份，都係好有效頂住股價嘅招數。個市唔好，冇乜辦法，唯有出下呢啲財招技。問題如果油價長期低落，咁就好難不斷維持派息。
另外金價走軟拖累原材料股下挫以及藥物股大跌，美股昨日出現比較明顯的回落，杜指跌66點，收報18481點，跌幅0.4%。
First Standard Financial首席市場分析師Peter Cardillo表示，「過去幾周，投資人一直在觀望，基本上沒進行什麼操作，因所有人都在等著聽聯儲局主席耶倫周五會說些什麼。不過，投資者希望看清利率前景的願望，可能會落空。」
可能係近期有不少聯儲局官員猛講越早加息越好，市場氣氛較上周明顯緊張。
股票恐懼指標VIX指數今個星期持續上升，昨日再升8.6%至13.45，三日以來累升超過17%，而與聯儲局加息比較敏感的美國2年期國債收益率由上週五的0.71厘，升至昨日的0.7657厘；反映美元兌6隻主要貨幣利率的美元指數亦由上週五的94.08升至昨日的94.79，可見一斑。
睇返最新的聯邦利率期貨交易數據顯示，9月份的加息機率仍然係18%，但12月加息的機率就由此前的43%升至超50%，顯示市場加息預期升溫，亦令美元轉強，商品市場受壓，金價昨日就由每安士1342美元下跌至1327美元，帶動材料股跌1.2%。而家大家都睇星期五全球央行大會，究竟係開大定開細。
Share this: 
