美股業績唔得，杜指上周五大插205點，有人睇到周五市跌，我反而會問為何美國企業生意唔好，美股仲可以企在高位附近?
繼谷歌派出醜樣成績表後，GE、微軟與麥當勞等龍頭企業業績亦不如預期，呢鱓公司業績唔得可以反映跨行業唔係幾掂，打擊市場投資情緒，美股上週五大插，
杜指開市已經係全日最高，之後一路下滑，尾市最多跌233點，臨收市跌幅才略為回順。杜指30隻成份股除Home Depot頂得住外，其餘全部收低。杜指勁跌205點，係6月份以來最大單日跌幅，杜指收13344點，跌幅1.5%，標普500指數跌25點至1433點，跌幅1.7%。
以上周全周計美股唔係咁差，杜指及標普500指數全周總計仍有些微進賬，分別升0.1%及0.3%，納指重創，科技股認真唔掂，逆市大跌1.3%。
上周大約有80家公司公佈了業績，總體而言，金融公司不錯，而科技行業表現最差。麥當勞及微軟第三季業績都不及預期，股價分別大插4.4%及3.2%，係表現最差的兩隻杜指成份股。通用電氣（GE）亦跌2.9%，相對業績表現比較好，利潤和預期相若，唯營業額差過預期。通用電氣也是世界最大電動渦輪和噴氣機引擎製造商，該公司維持全年利潤增長達兩位數的預期不變，整體營收下跌原因係美元在季度內升值，令海外利潤相對貶值所致。
美國企業公布季度業績到入肉部份，至上周有115間大企業公布了業績，59%營業額符合預期，比歷史平均的62%為低，盈利只是持平。企業的第3季營業額期望上升幅度是1.3%，比上季的5%增長低，而第4季的預期增長會回升到4%，而第4季的盈利增長更高達9.8%。企業業績今季達標仍然不難，因為預期好低，即使差少少都不會差太遠，但下季預期咁高，就難搞鱓啦。
但證券界還維持樂觀口吻，如摩根大通基金首席市場策略師David Kelly就表示，「財報季雖然不好，但基本面沒有變：美國經濟仍在改善，亞洲與歐洲狀況並未惡化。」他認為，股市在長期上漲之後，需要暫時調整一下。
我覺得實際情況更複雜，美國企業第3季盈利狀況雖然唔好，但股市對第4季有憧憬，能否實現要到明年1月底、2月初才見真章，醜婦有排未需要見家翁。而且大家心中都明白，聯儲局決定每月放400億美元出街，市場水浸，放水初段你好難話個市唔得，通常會順勢炒一炒，在這個階段，唱淡是逆勢行為，要唱衰不如等明年2月先啦。
最近有人講起1987年10月19日的股災，美股當日大跌22%，觸發全球軲市，當日蘋果跌24%，收36.25美元，單日跌鰦11.75美元。當日如果有人咁顛買鰦蘋果坐到而家，隻股609.84美元，係當日16.8倍。有人問今年10月會唔會好似25年前咁，又有股災，我話美國聯儲局咁樣放水，好難股災喎。
Share this: 
