九巴熱線系統攞獎

大家有無試過打去一啲熱線電話，成日選嚟選去都搵唔到想要嘅服務或資料，最終只有等一大輪，駁去同客戶主任傾。Emily噚日聽到，九巴    平均每月有成32萬個乘客查詢電話，但只有三成要搵客戶主任解決，原因就係引入咗新嘅客戶服務系統。

識自己分辨多音字

九巴顧客熱線襄理鄺嘉慧話，電話錄音如果用人聲錄音，成本會好高；但用電腦合成就太難聽得明。佢話新引進嘅語音技術，可以將文字轉為自然人聲，更加有人工智能，識自己分辨出多音字，唔會將「銀行」讀成「銀恆」，「長樂街」讀成「長岳街」。九巴呢個新技術，更加攞到美國    環境系統研究院嘅獎項，以獎勵佢哋嘅服務水平。

Share this: